Addeetional Member Seestem

The Addeitional Member Seestem (AMS) is a votin seestem whaur some representatives is waled frae geographic constituencies an ithers is waled bi proportional representation frae pairty leets. The constituency representatives is for normal waled unner the first-past-the-post votin seestem. The pairty leet representatives is waled bi a saicont vote, whaur the electors vote for a political pairty, no directly for onie ae chiel. This pairty vote determines the nummer o representatives that the pairty haes in the assembly. The parteicular individuals waled comes frae leets drawn up bi the political pairties afore the walin, at a naitional or regional level.

Variations o the AMS haes unalike weys o determinin hou monie pairty leet representatives ilka pairty is enteitelt tae. The chief differ atween seestems is whither the constituency representatives is coontit whan leet representatives is allocate tae ilka pairty.

• Unner the Mixt Member Proportional (MMP) or Tap-up seestem, the ettle is for the pairty's tot o representatives, includin constituency representatives, tae be proportional tae its percentage o the pairty vote.
• Unner the parallel votin or Supplementary Member (SUP) seestem, the pairty leet saets is allocate proportionally, an onie constituency saets the pairty micht hae wan is eikit on.

Parallel votin is the mair common variation amang votin seestems o the warld, but MMP is the seestem descreived here. Smaa pairties will for ordinar wun mair saets unner MMP nor SUP.